شرح مختصر لأهم المصطلحات اللي هتقابلك في التداول وحسابات التمويل — دوّر على أي مصطلح مش فاهمه.
الفرق بين سعر الشراء (Ask) وسعر البيع (Bid) للأداة. ده أول تكلفة بتدفعها في أي صفقة، وبيتقاس بالنقطة (Pip).
وحدة قياس حجم الصفقة. اللوت القياسي (Standard Lot) = 100,000 وحدة من العملة الأساسية، وفيه لوت مصغّر (Mini) وميكرو (Micro) بحجم أصغر.
نسبة بتخليك تفتح صفقة أكبر من رأس مالك الفعلي (مثال 1:100 يعني بـ 10$ تقدر تفتح صفقة بـ 1000$). بتكبّر الأرباح والخسائر مع بعض.
المبلغ اللي الوسيط بيجمّده من رصيدك كضمان عشان تقدر تفتح الصفقة، حسب حجم اللوت والرافعة المالية.
فائدة (بتاخد أو بتدفع) بتتحسب لو سبت الصفقة مفتوحة من يوم تداول للتاني (بيتوقف احتسابها في الويك إند غالبًا، وبتتضاعف في يوم الأربعاء عند أغلب الوسطاء).
أمر بيقفل الصفقة تلقائيًا عند سعر معين عشان يحدّ خسارتك لو السوق تحرك عكس توقعك.
أمر بيقفل الصفقة تلقائيًا عند سعر معين عشان يقفل لك الربح لما السعر يوصل للهدف بتاعك.
مقارنة بين اللي ممكن تخسره واللي ممكن تكسبه في الصفقة. R:R = 1:3 معناها لو خسرت 1$ في وقف الخسارة، هدفك تكسب 3$.
أكبر نسبة نزول وصلها الحساب من أعلى قيمة له. فيه نوعين: ثابت (Static) بيتحسب من الرصيد الابتدائي بس، ومتحرك (Trailing) بيتحرك مع أعلى قيمة وصلها الحساب.
شركة بتدّيك رأس مال تتداول بيه بعد ما تعدي اختبار (تحدي)، وياخدوا نسبة من الأرباح اللي بتحققها.
نسبة الأرباح اللي بتاخدها إنت من حساب التمويل بعد ما تنجح، والباقي بياخده شركة التمويل. غالبًا بين 80% و90%.
أقصى نسبة خسارة مسموح بيها في اليوم الواحد على حساب التمويل. لو اتخطيتها، الحساب بيتقفل فورًا بغض النظر عن باقي الأداء.
الدخول في صفقات وقت نزول أخبار اقتصادية مهمة. بعض شركات التمويل بتمنعه أو بتحدده بدقائق قبل/بعد الخبر بسبب تقلب السعر الشديد وقتها.
برنامج بيفتح ويقفل صفقات أوتوماتيك حسب استراتيجية مبرمجة عليها، شغال على منصات زي MT4 وMT5.
أصغر وحدة حركة سعر بيتم قياس الربح والخسارة بيها. قيمتها بالدولار بتختلف حسب الأداة وحجم اللوت.
الوقت اللي بيتقابل فيه جلستين تداول (زي لندن ونيويورك) في نفس الوقت — بيكون فيه أعلى سيولة وحركة سعر في اليوم.
شرط عند بعض شركات التمويل إن أفضل يوم ربح ميتجاوزش نسبة معينة (مثلًا 40%) من إجمالي أرباحك، عشان تثبت إن أداءك مش معتمد على صفقة واحدة كبيرة.